کراچی(ای پی آئی )پاکستان تحریک انصاف (پی ٹی آئی )کے رکن قومی اسمبلی خان محمد جمالی اور حسن جاموٹ نے تحریک انصاف کو چھوڑ کر پیپلز پارٹی میں شمولیت کا اعلان کردیا۔
دونوں سیاستدانوں نے کراچی میں سابق صدر آصف علی زرداری سے ملاقات میں پیپلزپارٹی میں شمولیت کا اعلان کیا۔
سابق صدر آصف زرداری نے ایم این اے خان محمد جمالی اور وڈیرہ حسن جاموٹ کو پارٹی میں شمولیت پرخوش آمدید کہا۔
خیال رہے کہ اس سے قبل سابق ایم این اے جواد حسین پاکستان تحریک انصاف کو چھوڑ کر پیپلز پارٹی میں شامل ہوگئے تھے۔
