صوابی(ای پی آئی)صوابی کے گاؤں ڈاگئی کے رہائشیوں کو بینکوں سے رقم اور سونا نکلوا کر گھروں میں لانے اور قتل کی دھمکیاں دینے والے گروہ کو پولیس نے گرفتار کر لیا ،
تفصیلات کے مطابق پولیس نے لوگوں کو دھمکی آمیز خطوط بھیج کر بھتہ مانگنے والے 6رکنی گروہ کو گرفتار کرلیا ۔
گروہ نے گائوں ڈاگئی کے 18 خاندانوں کو بھتہ دینے کیلئے خطوط بھیجے تھے جس میں کہا گیا تھا کہ بینک اکائونٹس سے پیسے نکلوا کر تیار رکھ لیں،
سونا بھی گھروں پر رکھیں ، ہم وصولی کیلئے آئیں گے۔گروہ نے بینکوں سے پیسے نہ نکلوانے اور سونا گھر پر نہ رکھنے پر قتل کی دھمکیاں دی تھیں جس پر گائوں کے لوگوں نے جرگہ طلب کیا۔
دوسری جانب ڈسٹرکٹ پولیس آفیسر نجم الحسن نے کہا ہے کہ خطوط بھیجنے والے گینگ کو گرفتار کرلیا گیا ۔
6رکنی گینگ سے 30 لاکھروپے بھی برآمد کئے ہیں۔ حکام کے مطابق متعلقہ خاندانوں کی رپورٹ پر کالو خان پولیس نے مقدمہ درج کرلیا ۔
