کراچی (ای پی آئی )امیر جماعت اسلامی کراچی حافظ نعیم الرحمان نے میڈیا سے گفتگو کرتے ہوئے کہا ہے کہ نئی مردم شماری کے تحت حلقہ بندیاں کرکے الیکشن کرائے جائیں۔
کراچی کی مردم شماری دوبارہ ہونی چاہئے، کراچی کی گنتی میں صرف 70لاکھ کا اضافہ کیا گیا، کراچی کی آبادی کو ٹھیک گنا جائے۔
انھوں نے کہا کہ رانا ثناء اللہ کا شرمناک بیان سامنے آیا، میں کہنا چاہتا ہوں کہ آپ ہیں کون جو آئینی عمل کو روکیں۔ پچھلی ہونے والی مردم شماری میں بے ضابطگیاں کی گئیں، متعدد ہائی رائز بلڈنگز کو مردم شماری میں شامل نہیں کیا گیا، پیپلزپارٹی نے کراچی میں کھلواڑ کردیا،
انھوں نے کہا کہ پیپلز پارٹی کراچی کو کرپشن کیلئے استعمال کرتی ہے، پیپلز پارٹی نے ملازمت کیلئے کراچی کے نوجوانوں کے دروازے بند کر دیئے۔
انہوں نے کہا کہ کراچی کا ملکی معیشت میں اہم کردار ہے، نئی مردم شماری کے تحت حلقہ بندیاں کرکے الیکشن کرائے جائیں، کراچی ساڑھے 3 کروڑ لوگوں کا شہر ہے اسے پورا گنا جائے۔
انہوں نے کہا کہ یہ ہر کام اپنی مرضی سے کررہے ہیں، شہر میں بجلی کا شدید بحران جاری ہے، نیپرا بار بار کہہ رہا ہے کہ لوڈشیڈنگ نہیں ہونی چاہئے۔
