بلوچستان (ای پی آئی )پاکستان کی جانب سے پاک افغان باڈر نوشکی غزنالی سیکٹر میں باڑ کی مرمت کے دوران افغان فورسز کی جانب سے پاکستانی فورسز کی چوکیوں پر فائرنگ ،موثر جوابی کارروائی سے افغان فورسز کو بھاری نقصان ۔
تفصیل کے مطابق پاک افغان باڈر نوشکی غزنالی سیکٹر میں پاکستانی فورسز کی جانب سے باڑ کی مرمت کا کام جاری تھا کہ افغان فورسز کی جانب سے پاکستان کی پوسٹوں پر فائر کھولا گیاپاکستان نے موثر کاروائی کرتے ہوئے افغان فورسز کے خلاف بھرپور جوابی کارروائی کی جس سے افغان فورسز کو بھاری نقصان اٹھانا پڑا،
سیکیورٹی حکام کے مطابق پاکستان کی جانب سے اپنی سرحدوں کی حفاظت کیلئے موثر اقدامات کا سلسلہ جاری رہے گا،ا فغان فورسز کی جانب سے بِلا اشتعال جارحیت پہلے بھی کی جا چکی ہے،پاکستانی سیکورٹی فورسز اپنی علاقائی سالمیت پر کسی صورت حرف نہیں آنے دیں گی،افغانستان کی طرف سے اِس جارحیت کا منہ توڑ جواب دیا گیا،