شہباز شریفلاہور(ای پی آئی ) رمضان شوگر مل میں وزیر اعظم شہباز شریف اور حمزہ شہباز کی بریت کا تفصیلی فیصلہ جاری کردیا گیا اینٹی کرپشن عدالت کے جج سرداد محمد اقبال ڈوگر نے 12 صفحات پر مشتمل فیصلہ جاری کیا
فیصلہ میں کہا گیا ہے کہ اس کیس میں شہباز شریف اور حمزہ شہباز کو سزا کا امکان نہیں ہے اس لئے شہباز شریف اور حمزہ شہباز کی بریت کی درخواستیں منظور کی جاتی ہیں۔
فیصلہ میں کہا گیا ہے کہ مقدمے کے دیگر گواہوں کو ثبوت کی عدم دستیابی کے باوجود سننا بے سود ہو گا۔ مدعی مقدمہ کے مطابق اس نے شہباز شریف اور حمزہ شہباز کے خلاف نیب کو کوئی درخواست نہیں دی۔ نالے کی تعمیر کےلیے تمام قانونی ضابطے پورے کئے گئے تھے۔ فیصلہ
اینٹی کرپشن، رمضان شوگر مل نالے کی تعمیر میں بےضابطگی ثابت کرنے میں ناکام رہے ،شہباز شریف کی جانب سے نالے کی تعمیر کے لیے ڈائریکٹو اس وقت کے ایم پی اے کی درخواست پر جاری کیا گیاتھا۔
عدالتی فیصلہ کےمطابق شہباز شریف کبھی رمضان شوگر مل کے ڈائریکٹر نہیں رہے۔ نالے کی تعمیر کے وقت حمزہ شہباز کی رمضان شوگر مل کے سی ای او نہیں تھے اورکسی گواہ نے شہباز شریف اور حمزہ شہباز کے خلاف ایک لفظ کی گواہی بھی نہیں دی اس لئے شہباز شریف اور حمزہ شہباز کو رمضان شوگر مل کرپشن کیس سے بری کیا جاتا ہے۔